Pengakun Kiniteken Kalak Kristen/ Pengakuan Iman Orang Kristen dalam Bahasa Karo

-Aku tek man Dibata Bapa si la ersibar kuasaNa, si nepa langit ras doni.

-Aku tek man Yesus Kristus anakNa si Tonggal, Tuhanta, si jadi arah Kesah Si Badia, tubuh idur singuda-nguda nari si so keliamen, si tergelar si Maria, si ngenanami kiniseran sangana pemerintahen Pontius Pilatus, nipakuken ku kayu persilang, mate, jenari ikuburken, nusur ku doni kematen, petelu wariken nggo keke ibas simate nari, nangkih ku Surga, perkundulNa arah Kemuhen Dibata, jenari reh me Ia pagi ngeranaken singgeluh ras singgo mate.

-Aku tek man Kesah Si Badia, janah lit sada Gereja Si Badia, persadaan kalak si Badia, pengalemi dosa, kinikeken kula, Kegeluhen si rasa lalap. AMIN


Pertoton Tuhan/Doa Bapa kami dalam Bahasa Karo

O Bapa kami sini Surga, gelarNdu ipebadia min, reh min KinirajaanNdu, seh lah min peratenNdu ibas doni enda bagi ni Surga. Bereken man kami nakan cukup ibas wari sendah enda. Alemi salah kami, bagi nialemi kami salah kalak empak kami. Ola min kami ibaba Kam ku bas percuban, tapi olangilah kami idur si ilat nari, sabab Kam kap si mada Kinirajaan, ras Kuasa, ras Kemuliaan si ndekah-dekahna.

AMIN

Pdt Masada Sinukaban dan Baktiani Sri Melvina Ginting. Tuhan Yesus Memberkati!!
Kesaktian Peduli Generasi Indonesia. Salatiga Jawa Tengah